კენიის დედაქალაქის სკოლაში გაჩენილ ხანძარს შვიდი ადამინის სიცოცხლე ემსხვერპლა. ათი მოზარდი კი საავადმყოფოშია გადაიყვანილი. მათი მდგომარეობა მძიმეა.

ხანძარი ადგილობრივი დროით დილის 2:00 საათზე სკოლის იმ ნაწილში გაჩნდა, სადაც მოსწავლეებს ეძინათ.

მთავრობის გადაწყვეტილებით, ნაირობის ქალთა საშუალო სკოლა ორი კვირით დაიკეტება. ხანძრის დროს შენობაში ათასზე მეტი მოსწავლე იმყოფებოდა.

ცეცხლის გამომწვევი მიზეზი უცნობია. ანალოგიური ტრაგედია კენიის სკოლაში 2001 წელს დატრიალდა. მაშინ ხანძარს 58 მოზარდის სიცოცხლე ემსხვერპლა, ხოლო 2012 წელს ჰომა ბეის რეგიონში, კერძო სკოლაში ხანძრის დროს რვა მოსწავლე დაიღუპა.