მორიგი ბრალდება გაერთიანებული პროფკავშირების თავმჯდომარის მიმართ. სოფლის მეურნეობის, მსუბუქი, კვების და გადამამუშავებელი მრეწველობის დამოუკიდებელ პროფკავშირში ამბობენ, რომ პეტრიაშვილი დარგის დირექტორის გადაყენების მიზნით თანამშრომლებზე ზეწოლას ახორციელებს.
გამგეობის წევრი მაკა ჩიქოვანი ლავრენტი ალანიას, ტრანსპორტისა და გზების პროფკავშირის თავმჯდომარის სახელსაც ასახელებს და ამბობს, რომ ის უშუალოდ მონაწილეობდა თანამშრომლებზე ზეწოლაში.
ირაკლი პეტრიაშვილი სატელევიზიო განცხადებისგან თავს იკავებს, თუმცა აღნიშნავს, რომ მოთხოვნა დარგის დირექტორის გადაყენების შესახებ ნამდვილად არსებობს, რადგან მოქმედი ხელმძღვანელი დაკისრებულ მოვალეობებს თავს ვერ ართმევს.
პეტრიაშვილი ბრალდებების მიღმა დავით ოქიტაშვილის სახელს კითხულობს, რომელიც მისი თქმით გაერთიანებული პროფკავშირის თავმჯდომარის ადგილის დაკავებას ცდილობს. დღეს ბრალდებებს ლავრენტი ალანიაც გამოეხმაურა.