ცენტრალური საარჩევნო კომისიის პრეს-სპიკერის ანა მიქელაძის განცხადებით, დღეს სამტრედიის საოლქო კომისიაში დარბაზის კარი, რომელიც ძირითადად დაკეტილია შეძლებისდაგვარად გააღეს და ოლქში ვიდეოგადამღები კამერით შეიჭრნენ ქრისტიან - კონსერვატიული პარტიის წარმომადგენელი, - აღნიშნული განცხადება ცენტრალური საარჩევნო კომისიის პრეს-სპიკერმა ანა მიქელაძე განაცხადა.
მისი თქმით, პარტიის წევრი მის თანმხლებ არაუფლებამოსილი უცნობი პირებთან ერთად მაშინ შეიჭრა, როდესაც სამტრედიის ოლქის კომისიის წევრები, საინიციატივო ჯგუფის წარმომადგენლებთან ერთად ამოწმებდნენ საინიციატივო ჯგუფის მიერ წარდგენილი კანდიდატის მხარდამჭერ მოქალაქეთა ხელმოწერების ბლანკებს.
"ოლქში შევარდნილი პირები ხმაურით, ხმამაღალი განცხადებით ხელს უშლიდნენ კომისიას მუშაობას. საოლქო საარჩევნო კომისიის მიერ გამოძახებული იქნა საპატრულო პოლიცია.
ანა მიქელაძის თქმით, სახეზეა ძალადობრივი მეთოდების გამოყენებით საარჩევნო ადმინისტრაციის საქმიანობის ხელშეშლა.
"ცენტრალური საარჩევნო კომისია მიმართავს შესაბამის უწყებებს, დამკვირვებელ ორგანიზაციებს, საერთაშორისო პარტნიორებსა და მთელ საზოგადოებას, მიმართოს ძალისხმევას საარჩევნო პროცესში ძალადობრივი ქმედებების პრევენციისთვის და ხელი შეუწყოს საარჩევნო ადმინისტრაციის საქმიანობის განხორციელებას", - განაცხადა მიქელაძემ.
მისივე თქმით, ცესკო თავის მხრივ გამოიყენებს ყველა შესაძლებელ, კანონიერ ფორმას, რომ მოქალაქეებს და პროცესში ჩართულ მხარეებს ჰქონდეთ შესაძლებლობა, მშვიდ საარჩევნო გარემოში მოახდინონ საარჩევნო უფლებების რეალიზაცია და განახორციელონ საკუთარი საქმიანობა.