პრეზიდენტის ადმინისტრაციაში მოქალაქეობის მინიჭების საგამონაკლისო წესის დახვეწის აუცილებლობაზე საუბრობენ. გიორგი აბაშიშვილის განცხადებით, საქართველოს მოქალაქეობის საგამონაკლისო წესით მინიჭებასთან დაკავშირებით, მოთხოვნა იზრდება, რის გამოც არსებული პროცედურა კიდევ უფრო უნდა დაიხვეწოს.

საკითხზე კონსულტაციების დაწყება იუსტიციის სამინისტროსა და უსაფრთხოების სამსახურთან იგეგმება. გიორგი აბაშიშვილი გამორიცხავს, რომ საკითხი მიხეილ სააკაშვილისთვის მოქალაქეობის მინიჭებას უკავშირდებოდეს.