გურჯაანის მუნიციპალიტეტის სოფელ კალაურში ნათლისმცემლის სახელობის სამონასტრო კომპლექსის ტერიტორიაზე აღმოჩენილ სამარხზე კულტურული მემკვიდრეობის დაცვის ეროვნული სააგენტოსა და საპატრიარქოს ერთობლივი შეთანხმებით არქეოლოგიური კვლევის სამუშაოები დაიწყება. ამის შესახებ პირველ არხს კულტურული მემკვიდრეობის დაცვის ეროვნული სააგენტოს ხელმძღვანელმა ნიკოლოზ ანთიძემ განუცხადა.
მისი თქმით, ძეგლზე სარესტავრაციო სამუშაოები ფონდი ,,ქართუს,, ფინანსური მხარდაჭერით მიმდინარეობს.
გურჯაანის მუნიციპალიტეტის სოფელ კალაურში დასახლებული პუნქტიდან 4 კილომეტრში მდებარე ნათლისმცემლის სახელობის სამონასტრო კომპლექსში სარესტავრაციო სამუშაოების დროს აკლდამა აღმოაჩინეს, რომელიც, სპეციალისტების აზრით, სავარაუდოდ, მეფე კვირიკე დიდს უნდა ეკუთვნოდეს.