მუსლიმანური სამყარო დღეს ყურბან ბაირამის დღესასწაულს აღნიშნავს. ბათუმის ორთა ჯამეში ამასთან დაკავშირებით საზეიმო ლოცვა აღევლინა.

მრევლის სიმრავლის გამო, დიდი ნაწილი ქუჩაში ლოცულობდა. მუსლიმ თემს დღესასწაული მიულოცეს აჭარის მთავრობის წარმომადგენლებმა. საზეიმო ლოცვა ჩატარდა გენერალ ასლან აბაშიძის ქუჩაზე მშენებარე მეჩეთის ტერიტორიაზეც.

ამასთან დაკავშირებით განცხადება გააკეთა ზურაბ პატარაძემ და თქვა რომ შეთანხმება აჭარის სამუფთოსთან მიღწეულია, თუმცა არ დააკონკრეტა, ახალი მეჩეთი აშენდება თუ არსებული გაფართოვდება.