ამერიკაში ქარიშხალ ,„ჰარვის’“ შედეგად დაღუპულთა რიცხვი 44-მდე გაიზარდა. ინფორმაციას სააგენტო ,,როიტერი’’ ავრცელებს.

ბოლო მონაცემებით, სტიქიის ზონაში დანგრეულია 100 ათასზე მეტი სახლი. დახმარების მისაღებად 310 ათასზე მეტი ადამიანი დარეგისტრირდა.

გავრცელებული ინფორმაციით, ამერიკის ხელისუფლებამ, დახმარების სახით, უკვე გამოყო 530 მილიონი დოლარი.

,,ჰარვი’’ ბოლო 12 წლის განმავლობაში ერთ-ერთი ყველაზე ძლიერი ქარიშხალია. წინასწარი მონაცემებით, სტიქიის შედეგად მიყენებული ზარალი 30 მილიარდ დოლარს შეადგენს.