ატვირთვა
ავტორიზაცია რეგისტრაცია

წყალდიდობით დაზარალებულ ჰიუსტონში მაროდიორობის თავიდან ასაცილებლად კომენდანტის საათი გამოცხადდა

გაზიარება შექმენი ლუპი
აგვისტო 30, 2017
124
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

წყალდიდობის შედეგად დაზარალებულ ტეხასის ქალაქ ჰიუსტონში კომენდანტის საათი გამოცხადდა.

როგორც ქალაქის მერმა სილვესტერ ტერნერმა განაცხადა, კომენდანტის საათის დაწესება აუცილებელია მაროდიორობის თავიდან ასაცილებლად. ჰიუსტონიდან ევაკუირებულია ათასობით ადამიანი.

ხელისუფლების ინფორმაციით, დაფიქსირდა მიტოვებულ სახლებში ქურდობისა და შეიარაღებული ძარცვის რამდენიმე შემთხვევა, რის გამოც საგანგებო ზომების ამოქმედება გახდა საჭირო.

კომენდანტის საათი ადგილობრივი დროით შუაღამიდან დილის 05:00 საათამდე გაურკვეველი ვადის განმავლობაში იმოქმედებს.

აშშ-ის სიდიდით მეოთხე ქალაქ ჰიუსტონის დიდი ნაწილი ქარიშხალ „ჰარვის“ შედეგად გამოწვეული წყალდიდობის გამო დატბორილი აღმოჩნდა.

დაღუპულია 15 ადამიანი. ადგილობრივ წყალსაცავში წყლის დონემ კრიტიკულ ნიშნულს მიაღწია. წყალმა ედიქსის კაშხლიდან გადმოსვლა დაიწყო.

გუშინ ტეხასში კატასტროფის მასშტაბების შესაფასებლად ჩავიდა აშშ-ის პრეზიდენტი დონალდ ტრამპი.

აშშ-ის ნაციონალური მეტეოროლოგიური სამსახურის ინფორმაციით, ტეხასში მოსული ნალექის რაოდენობამ ქვეყნის კონტინენტულ ნაწილზე რეკორდი დაამყარა. სპეციალისტების მონაცემებით, 25 აგვისტოს შემდეგ ტეხასის სანაპიროზე 132 სანტიმეტრი ნალექი მოვიდა.

აშშ-ის პრეზიდენტმა ტეხასსა და ლუიზიანაში საგანგებო მდგომარეობა გამოაცხადა.

ქარიშხალი „ჰარვი“ ამჟამად ტროპიკულ შტორმამდე შესუსტდა. ამის მიუხედავად, სინოპტიკოსების პროგნოზით, წვიმა სტიქიის შედეგად დაზარალებულ რაიონებში კვირის ბოლომდე გაგრძელდება.

მაჩვენე მეტი