იემენის დედაქალაქ სანაში განხორციელებულ ავიაიერიშს შვიდი ადამიანის სიცოცხლე ემსხვერპლა, მათ შორის ხუთი მშვიდობიანი მოქალაქეა, ორი კი სამხედრო პირი - იუწყება Reuters. საჰაერო თავდასხმა მასაჯედის უბანში, ბენზინგასამართი სადგურის მიმდებარე ტერიტორიაზე განხორციელდა, რასაც ძლიერი აფეთქება მოჰყვა. ავიაიერიში საუდის არაბეთის მიერ ორი წლის წინ ფორმირებულმა კოალიციამ განახორციელა, რომლის სამიზნე ირანის მოკავშირე ჰუსიტების შეიარაღებული დაჯგუფებაა.
სამხედრო კოალიცია რამდენიმე არაბულ სახელმწიფოს აერთიანებს.
იემენში კრიზისი 2015 წელს დაიწყო. საუდის არაბეთში შექმნილი კოალიციის მიერ განხორციელებულ ავიადარტყმებს, ასევე საკვები პროდუქტებისა და მედიკამენტების დეფიციტს ბოლო ორ წელიწადში 10 ათასზე მეტი მშვიდობიანი მოქალაქის სიცოცხლე ემსხვერპლა.