ეუთო მედიაომბუდსმენის აპარატის შექმნის შესახებ საქართველოს პრემიერ-მინისტრის ინიციატივას პასუხობს და რამდენიმე რეკომენდაციით მიმართავს.
როგორც ორგანიზაციის ვებგევრდზე გამოქვეყნებულ დოკუმენტშია ნათქვამი, ეს ინსტიტუტი უნდა შეიქმნას მხოლოდ ყველა აქტორის სრული ჩართულობით და ექსპერტები ჯერჯერობით არ არიან დარწმუნებულები, რომ ამ ინსტიტუტის ჩამოყალიბება ნამდვილად აუცილებელია.
ეუთო-ს შეფასებით, პრემიერ-მინისტრის ინიციატივა საზოგადოების ფართო მონაწილეობითა და ჩართულობით უნდა იქნეს განხილული, კერძოდ, პროცესში უნდა მონაწილეობდნენ მედიის, არასამთავრობო სექტორისა და პოლიტიკური პარტიების წარმომადგენლები.
ეუთო-ში მიაჩნიათ, რომ უნდა გაკეთდეს სიღრმისეული ანალიზი, ხომ არ შეუქმნის მედიაომბუდსმენის ოფისის ჩამოყალიბება ახალ გამოწვევებს საქართველოში მედიის რეგულაციებისა და თვითრეგულაციის საკითხებზე მომუშავე ინსტიტუტებს, კერძოდ, სახალხო დამცველის აპარატსა და ჟურნალისტური ეთიკის ქარტიას.
გიორგი კვირიკაშვილი მედიაომბუდსმენის ოფისის ჩამოყალიბების ინიციატივით 2017 წლის 6 მარტს გამოვიდა.