ამერიკის შეერთებული შტატების პრეზიდენტის ახალი განკარგულების თანახმად, პოლიცია უფლებამოსილი იქნება, სამხედრო აღჭურვილობა გამოიყენოს. კერძოდ, პოლიციას გადასცემენ ჯავშანტრანსპორტიორებს, ყუმბარმტყორცნებსა და საბრძოლო ცეცხლსასროლ იარაღს.
აღნიშნული კანონი შეერთებული შტატების 44-ე პრეზიდენტმა ბარაკ ობამამ 2014 წელს, ფერგიუსონში მომხდარი ინციდენტის შემდეგ გააუქმა.
2014 წლის ზაფხულში, ქალაქ ფერგიუსონში პოლიციელმა 18 წლის აფროამერიკელი მამაკაცი ცეცხლსასროლი იარაღით ქუჩაში მოკლა. სამართალდამცველის არგუმენტით, ბრაუნი ძარცვაში იყო ეჭვმიტანილი და იგი პოლიციას არ დაემორჩილა. მოგვიანებით გაირკვა, რომ მაიკლ ბრაუნს იმ დღეს მომხდარ ძარცვასთან არავითრი კავშირი არ ჰქონია. აღნიშნულ საქმეს ამერიკაში საპროტესტო გამოსვლები მოყვა.