ნიუ მექსიკოს შტატში სროლის შედეგად ორი ადამიანი მოკლეს, კიდევ ოთხი საავადმყოფოშია გადაყვანილი. ახალგაზრდა მამაკაცმა ცეცხლი ქალაქ კლოვისის საჯარო ბიბლიოთეკაში გახსნა. მისი დაკავება პოლიციამ შეძლო.

დაზარალებულები საავადმყოფოში გადაიყვანეს. მათგან ორის მდგომაროება მძიმეა. სამართალდამცავების ცნობით, შემთხვევის ადგილას მისულმა პოლიციამ ბიბლიოთეკა ალყაში მოაქცია, რის შემდეგ ბოროტმოქმედი მათ საკუთარი ნებით ჩაბარდა.

გამომძიებლები დამნაშავის ასაკს და ვინაობას არ ასახელებენ. დანაშაულის მოტივი და მომხდარის შესახებ დამატებითი დეტალები ჯერ უცნობია.