სიღნაღში მიუსაფარი ძაღლების მომვლელს გურჯაანში ექსპერტიზა უტარდება. 42 წლის მატილდა მირზოევას გუშინ საღამოს 8 საათზე ახალგაზრდა მამაკაცმა სხეულზე სხვადასხვა დაზიანება მიაყენა.

მისი თქმით, სიტყვიერი შელაპარაკება ქალაქის ცენტრში მიუსაფარი ძაღლების მიმართ მამაკაცის მხრიდან განხორციელებულ ფიზიკურ ძალადობას მოჰყვა. მან ძაღლის ცემის ფაქტი გააპროტესტა, რასაც მამაკაცის მხრიდან სიტყვიერი და ფიზიკური შეურაცხყოფა მოჰყვა.

შინაგან საქმეთა სამინისტროს ინფორმაციით, მომხდარზე გამოძიება 126-ე მუხლით დაწყებულია, რაც ძალადობას გულისხმობს. მამაკაცი ამ დრომდე დაკავებული არ არის.