აშშ-ის პრეზიდენტის ადმინისტრაციის კიდევ ერთმა თანამშრომელმა თანამდებობა დატოვა. მრჩეველმა სებასტიან გორკამ, რომელიც მედიის კრიტიკის ობიექტად არაერთხელ იქცა, პრეზიდენტს თანამდებობიდან გათავისუფლების შესახებ წერილობით მიმართა.

ამერიკული მედიის ცნობით, აღნიშნულ ინფორმაციას თეთრი სახლი ადასტურებს.

გორკა თეთრი სახლის ყოფილ სტრატეგთან, სტივ ბენონთან დაახლოებული პირი იყო. ბენონი ზუსტად ერთი კვირის წინ გადადგა.

სებასტიან გორკა თეთრი სახლის მეხუთე თანამშრომელია, ვინც ბოლო ორ თვეში დაკავებული პოსტი დატოვა.

New York Times-ის ინფორმაციით, გორკას ინტერესთა კონფლიქტი ჰქონდა პრეზიდენტის ადმინისტრაციის უფროს ჯონ კელისთან, რის გამოც იგი აიძულეს, დაკავებული თანამდებობა დაეტოვებინა.

სებასტიან გორკას ამერიკული მედია ბოლო თვეებში ულტრამემარჯვენე იდეებისთვის აკრიტიკებდა და ულტრანაციონალისტებთან კავშირში ადანაშაულებდა.

წყარო: ABC, New-York Times