ბორჯომის ხეობაში ცეცხლის სრულად ლოკალიზება ჯერ ვერ ხერხდება. სტიქიის ზონაში დღის მეორე ნახევრიდან ქარია, რაც თითქმის ჩამქარალი კერების გაღვივებას იწვევს.

ამ ეტაპზე რთულ მონაკვეთებად რჩება წაღვერის და არდაგანის ტყე, სადაც, ავიაციასთან ერთად, ცოცხალი ძალაც მუშაობს. ბოლო მონაცემებით, სრულად არის ლოკალიზებული ცეცხლის კერები ყვიბისის მიმდებარე ტერიტორიაზე.

გუშინდელთან შედარებით პროგრესია: დილიდან ხანძრის სალიკვიდაციო სამუშაოებში ჩართულია ჯარიც. 1 000-ზე მეტი სამხედრო მეხანძრე-მაშველებთან ერთად სხვადასხვა ლოკაციაზეა გადანაწილებული.

ცოცხალი ძალა-ჯამში 2 500-მდე ადამიანი რელიეფურად ძნელად მისადგომ ყველა უბანზე შესაბამისი ტექნიკითაა მობილიზებული, რაც მიუვალ ადგილებზე გზების გაჭრით გახდა შესაძლებელი.

,,მოამბე” სტიქიის ეპიცენტრიდან - ნინო ფისაძე დეტალებით.