ბორჯომის ხეობაში სტიქიას შვიდი ვერტმფრენით ებრძვიან. მათ შორისაა ბელარუსიდან გამოგზავნილი და მსოფლიოში ერთ-ერთი ყველაზე დიდი ვერტმფრენი, რომელიც წყლის 15-ტონიანი რეზერვუარითაა აღჭურვილი.

„მი 26-ს“ ოპერაციაში ჩართულ სხვა ვერტმფრენებთან შედარებით ერთ ჯერზე თითქმის 7-ჯერ მეტი წყლის გაფრქვევა შეუძლია.

ავიაციამ სამაშველო ოპერაცია გათენებისთანავე განაახლა. ხანძრის კერების ლიკვიდაციას ცდილობენ თურქეთიდან გამოგზავნილი თვითმფრინავითაც, რომელიც წყალს ტყიბულის წყალსაცავიდან იმარაგებს.

შესაბამისი კადრები ,,მოამბემ” დღეს ექსკლუზიურად მოიპოვა.