ხანძარი ლიკვიდირებულია ატენის ხეობაში, - ამის შესახებ ინფრომაციას თავდაცვის სამინისტრო ავრცელებს. სოფელ ზემო ბოშურის მიმდებარედ, ტყეში გაჩენილ ცეცხლს სამხედრო მოსამსახურეები, მეხანძრე მაშველებან ერთად, მთელი ღამის განმავლობაში ებრძოდნენ.
სალიკვიდაციო ღონისძიებებში თავდაცვის სამინისტროს პირველი ქვეითი ბრიგადის 250 სამხედრო მოსამსახურესთან ერთად, შინაგან საქმეთა სამინისტროს საგანგებო სიტუაციების მართვის სააგენტოს თანამშრომლები მონაწილეობდნენ.
ადგილზე მთელი ღამის განმავლობაში იმყოფებოდნენ თავდაცვის მინისტრი და გენერალური შტაბის უფროსი. ტერიტორიაზე რამდენიმე ათეული სამხედრო მოსამსახურე ისევ რჩება, ჯარისკაცები მონიტორინგს ორი დღის განმავლობაში განახორციელებენ.
რა ვითარეებაა ამ წუთისთვის ხეობაში - ნინო ფისაძე ბოლო ინფრმაციით.