აგვისტო 23, 2017
140
ხანძარია დუშეთის მუნიციპალიტეტის სოფელ თვალივში. ცეცხლი ტყის მასივს უკიდია.
დუშეთის მუნიციპალიტეტის გამგებლის, ვაჟა ჩოხელის ინფორმაციით, ცეცხლი დაახლოებით ორ ჰექტარზეა გავრცელებული.
მისივე განცხადებით, რთული რელიეფის გამო, ადგილზე მძიმე ტექნიკა ვერ მიდის, შესაბამისად, ხანძარს 40-მდე მეხანძრე და რეინჯერი სპეციალური აღჭურვილობით ებრძვის. მეხანძრეებს ადგილობრივი მოსახლეობაც ეხმარება.
დუშეთის გამგებელი არ გამორიცხავს, რომ ხანძრის ლიკიდაციისთვის ვერტმფრენის გამოყენება გახდეს საჭირო.
ვაჟა ჩოხელის ინფორმაციით, ხანძარი გუშინ გაჩნდა და დილისთვის ლოკალიზებული იყო, თუმცა ქარმა ცეცხლის კერების კვლავ გაღვივება გამოიწვია.
მაჩვენე მეტი