დონალდ ტრამპის ვიზიტს არიზონას ქალაქ ფენიქსში მასშტაბური აქცია მოჰყვა. პრეზიდენტის სიტყვით გამოსვლის პარალელურად, ქუჩებში საპროტესტო ლოზუნგები ისმოდა.

ფენიქსში უსაფრთხოების ზომები გამკაცრებულია. დემონსტრანტების დასაშლელად პოლიციამ ცრემლსადენი გაზი გამოიყენა.

ათასობით აქტივისტი პრეზიდენტ ტრამპს ხისტ საემიგრაციო პოლიტიკასა და ულტრამემარჯვენე ძალების მხარდაჭერაში ადანაშაულებს.

პროტესტის ფონზე პრეზიდენტმა აღნიშნა, რომ მისი ყველა დაპირება, მიუხედავად წინააღმდეგობისა, მაინც აღსრულდება.