აგვისტო 22, 2017
156
ამ დრომდე მძიმეა ვითარება ბორჯომის ხეობაში. მასშტაბურ ხანძარსაწინააღმდეგო ოპერაციაში სახმელეთო და საჰარეო ძალებია ჩართული.
სოფელ დაბასთან ტყის მასივში გაჩენილი ცეცხლის ლოკალიზებას სასაზღვრო პოლიციის ორი და აზერბაიჯანული მხარის მიერ გამოგზავნილი ერთი ვერტმფრენი ცდილობს.
მობილიზებულია 400-მდე მეხანძრე მაშველი და ასზე მეტი ტყის მცველი. ვითარების გართულების შემთხვევაში, შემუშავებულია მოსახლეობის ევაკუაციის გეგმა. მზადყოფნაშია მოყვანილი საქართველოს შეიარაღებული ძალების პირადი შემადგენლობა.
სტიქიასთან ბრძოლის ოპერაციაში დამატებით ორი თურქული ვერტმფრენიც უნდა ჩაერთოს. ასევე, თურქული მხარე მზად არის საქართველოში სახანძრო თვითმფრინავიც გამოაგზავნოს - სალომე ქოქიაშვილი დეტალებით.
მაჩვენე მეტი