ავსტრალიის ქალაქ მელბურნში პოლიცია ასაფეთქებელ მოწყობილობას ეძებდა. როგორც ტელეკომპანია „ეი-ბი-სი“ იტყობინება, სამართალდამცავებს რამდენიმე საათის განმავლობაში ქალაქის ჩრდილო-დასავლეთით მდებარე რაიონი გადაკეტილი ჰქონდათ.

როგორც ადგილობრივი მედია იტყობინება, გამნაღმველები მუნიციპალიტეტის შენობასთან ახლოს იყვნენ მობილიზებულები. სამძებრო ოპერაციის შედეგად ასაფეთქებელი მოწყობილობა ვერ აღმოაჩინეს.

როგორც ჟურნალისტები ამტკიცებენ, სამართალდამცავები რამდენიმე საათის განმავლობაში რობოტოს საშუალებით პოლიციის განყოფილების სიახლოვეს დაყენებულ ავტობუსს ამოწმებდნენ.

ამჟამად მელბურნის აღნიშნულ რაიონში სამართალდამცავები აღარ იმყოფებიან.