20 აგვისტოს ესტონეთი დამოუკიდებლობის აღდგენის დღეს აღნიშნავს. აღნიშნულ დღესთან დაკავშირებით, სახელმწიფო უწყებების შენობებზე დროშები აღიმართება, ქვეყნის მასშტაბით კი საზეიმო ღონისძიებები გაიმართება.

1991 წლის 20 აგვისტოს, ესტონეთის საბჭოთა სოციალისტური რესპუბლიკის უმაღლესი საბჭოს მიერ მიღებულ იქნა რეზოლუცია, ესტონეთის დამოუკიდებლობის აღდგენის შესახებ, რომელიც ეფუძნებოდა ესტონეთის სახელმწიფოებრიობის მემკვიდრეობის პრინციპს.

მსოფლიოს ქვეყნებმა ესტონეთის დამოუკიდებლობის აღიარება მალევე დაიწყეს.

ქვეყანა 1991 წლის 17 სექტემბერს გაერო-ს წევრი გახდა.