შეცვლის თუ არა ქართული ოცნება საკუთარ გადაწყვეტილებას იმ პრინციპულ საკითხებთან დაკავშირებით, რაზეც უკვე რამდენიმე თვეა ოპოზიციასთან კონსენსუსის მიღწევა ვერ ხერხდება, ეს ათი დღის ვადაში გაირკვევა.

ოპოზიცია პრეზიდენტის პირდაპირი წესით არჩევას და მომდევნო არჩევნების სრულად პროპორციული სისტემის საფუძველზე ჩატარებას ითხოვს. თუ ეს მოთხოვნები არ შესრულდება, ოპოზიცია ხელისუფლებასთან დიალოგზე უარს იტყვის.

ოპოზიციურმა პარტიებმა მმართველ გუნდს უკვე გადაუგზავნეს ერთიანი დოკუმენტი, სადაც მათი მოთხოვნებია ჩამოყალიბებული. ოპოზიცია ახლა ხელისუფლების გადაწყვეტილებას ელის.