პრაიმერის გზით მერობისა და საკრებულოს სიის საერთო კანდიდატების გამოვლენა - ეს არის ის საკითხი, რაზეც მრგვალი მაგიდის ფორმატში ერთობა "ახალი საქართველოს" წარმომადგენლები ეროვნულ დემოკრატიული ინსტიტუტის IRI-ის ორგანიზებით გამართულ შეხვედრაზე მსჯელობენ. პრაიმერის გზით მერობისა და საკრებულოს სიის კანდიდატების გამოვლენა ერთობა „ახალი საქართველოს“ ინიციატივაა.
გიორგი ვაშაძის თქმით, კანდიდატები უნდა ირჩეოდნენ ამომრჩევლების მხრიდან და არა ვიწრო კულუარული გარიგებების შედეგად.
"15 ორგანიზაცია ვართ გაერთიანებული და იმედი მაქვს, რომ უფრო მეტი ორგანიზაცია შემოუერთდება ამ იდეას, რადგან ჩვენი მიზანია, რომ ხელისუფლებაში მოვიდნენ პროფესიონალები და არა უბრალოდ ვიღაცის დანიშნული ადამიანები. ადამიანები, რომლებსაც ერთადერთი პასუხისმგებობა აქვთ საკუთარ გამწემსებლებთან მიმართებაში და არა საკუთარ ამომრჩეველთან.კანდიდატსაც უნდა ირჩევდეს ხალხი,რომ ეს კანდიდატი არჩევნების შემდეგ ემსახურებოდეს ხალხის ინტერესებს", - განაცხადა გიორგი ვაშაძემ.
ერთობის წევრებს მიაჩნიათ, რომ პრაიმერი კანდიდატთა შერჩევის ყველაზე ღია, გამჭვირვალე და ობიექტური მექანიზმია. IRI-ის ორგანიზებით გამართულ შეხვედრაზე იმსჯელეს პრაიმერის პოლიტიკურ მნიშვნელობაზე, მის ტექნიკურ მხარეებსა და ისაუბრეს არჩევნების მეორე ტურის სტატისტიკასა და გამოცდილებაზეც.
შეგახსენებთ, ერთობა "ახალი საქართველოს" წევრებმა, რამდენიმე კვირის წინ გაკეთებულ ოფიციალურ განცხადებაში, ყველა პროდასავლური ორიენტაციის მქონე პარტიას გაერთიანებისკენ მოუწოდეს და შესთავაზეს, პრაიმერის გზით მერობის საერთო კანდიდატის გამოვლენა.