აგვისტო 18, 2017
109
თბილისში, მთაწმინდაზე, ჭონქაძის ქუჩაზე მომხდარი მკვლელობისთვის დაკავებულ მიხეილ იაშვილს ბრალი ოფიციალურად წაუყენეს.
ადვოკატის განცხადებით, მას განზრახ მკვლელობა და იარაღის უკანონოდ შეძენა-შენახვა ტარება ედება.
მისივე თქმით, იაშვილი ბრალს არ აღიარებს და მშრალ შიმშილობას აგრძელებს.
როგორც უფლებადამცველმა განაცხადა, ბრალის დადგენილებაში წერია, რომ ბრალდებული მოპედით და ჩაფხუტით მოძრაობდა.
რაც შეეხება მოტივს, დავით ცინცქილაძის თქმით, ბრალში არ წერია კონკრეტული მოტივი და შსს-ს მიერ გავრცელებულ ინფორმაციას შურისძიების თაობაზე, ისინი არ ეთანხმებიან.
ჭონქაძის ქუჩაზე მკვლელობა რამდენიმე დღის წინ მოხდა. მკვლელობის მოტივად შურისძიება დასახელდა.
მაჩვენე მეტი