ბათუმში მომხდარი აფეთქების შედეგად დაზარალებულებთან მოლაპარაკება იწყება. ღია ცის ქვეშ დარჩენილ ორ ოჯახს ადგილობრივი მთავრობა დანგრეული სახლების ადგილზე ახლის აშენებას ან ბინების გადაცემას სთავაზობს.
დახმარებას ჰპირდებიან იმ ოჯახებსაც, რომლებსაც გუშინდელი შემთხვევის გამო სახლები ნაწილობრივ დაეწვათ.
უსაფრთხოების ნორმების დარღვევის მუხლით გამოძიება გრძელდება.
ორი დაშავებულიდან ერთ-ერთის ჯანმრთელობის მდგომარეობა ისევ მძიმეა.
მედიასთან ამ დრომდე არ გამოჩენილა უნებართვოდ მომუშავე იმ თხევადი აირის გასამართი სადგურის მფლობელი, სადაც გუშინ აფეთქება მოხდა. მოსახლეობა მსგავსი სადგურების დახურვას ითხოვს, თუმცა როგორც ირკვევა, კუსტარულად მოწყობილი ობიექტების კონტროლი არცერთ უწყებას ეხება.
ადგილობრივ მთავრობაში საკანონმდებლო ხარვეზზე საუბრობენ.