ბარსელონაში ცოტა ხნის წინ მომხდარ შემთხვევას ტერაქტის კვალიფიკაცია მიეცა. ფურგონი ფეხით მოსიარულეებს დაეჯახა. ინციდენტის შედეგად რამდენიმე ადამიანმა სხეულის დაზიანება მიიღო.
ფაქტიდან რამდენიმე წუთში ორი შეიარაღებული პირი ამავე ქუჩაზე ერთ-ერთ რესტორანში შეიჭრა. ისმოდა სროლის ხმაც.
ესპანური გამოცემა El Nacional-ის ინფორმაციით, სამართალდამცველები ამ დროისთვის ფურგონის მძღოლს ეძებენ, რომელმაც შემთხვევის ადგილიდან გაქცევა შეძლო.
შემთხვევა ქალაქის ცენტრში, ტურისტებისთვის პოპულარულ რამბლას ქუჩაზე მოხდა.
ადგილზე სამართალდამცველები და საგანგებო სამსახურის თანამშრომლები მუშაობენ და მოსახლეობას მოუწოდებენ, რომ ქუჩაზე გადაადგილებისგან თავი შეიკავონ.
„მოამბის“ კორესპონდენტი აკაკი შენგელიას პირდაპირი ჩართვა შემოხვევის ადგილიდან.