ატვირთვა
ავტორიზაცია რეგისტრაცია
6 340 339
ნახვა
324
ხელმომწერი
27 785
ვიდეო

ნეონაცისტების ლიდერმა ტრამპს მადლობა გადაუხადა

გაზიარება შექმენი ლუპი
აგვისტო 16, 2017
377
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ვირჯინიაში ნეონაცისტური და რასისტული გამოსვლების შესახებ პრეზიდენტ ტრამპის გამოხმაურებას სენატორების მხრიდან კვლავ კრიტიკა მოჰყვა. დონალდ ტრამპმა არეულობაში ორივე მხარე დაადანაშაულა, რის შემდეგაც სოციალურ ქსელ Twitter-ში მას ამერიკის შეერთებული შტატებში ფორმირებული ნეონაცისტური გაერთიანების ლიდერმა დევიდ დიუკმა მადლობა გადაუხადა.

„დიდი მადლობა პრეზიდენტო იმ გამბედაობისთვის, რომელიც გამოიჩინეთ და დიდი მადლობა, რომ სიმართლე თქვით და დაგმეთ მემარცხენე ტერორისტები“, - წერს დიუკი Twitter-ში, რომელიც მემარცხენე ტერორისტებად კონტრაქციის წევრებს მოიხსენიებს.

კონტრაქციაზე, რომელიც ამერიკის შეერთებული შტატების ათამდე ქალაქში სამი დღეა მიმდინარეობს, ემიგრანტებისა და უმცირესობების მხარდამჭერი ლოზუნგები ისმის. ამავდროულად, ულტრანაციონალისტების საპასუხოდ გამართულ აქციებზე დემონსტრანტები ვირჯინიის მოსახლეობისადმი თანადგომას და ნეონაცისტების მიმართ პროტესტს გამოხატავენ.

მიმდინარე პროცესებთან დაკავშირებით დონალდ ტრამპმა განაცადა, რომ ვირჯინიის ქალაქ შარლოტსვილში ნეონაცისტებსა და მათ მოწინააღმდეგეებს შორის შეტაკებებში ორივე მხარე დამნაშავეა.

„დიახ, მე ვფიქრობ, რომ მომხდარში ორივე მხარე დამნაშავეა, რადგან ძალადობრივ ქმედებებს ორივე მხარემ მიმართა. დაუშვებელია, რომელიმე მხარის გამართლება. ეჭვგარეშეა, რომ ცალმხრივად დამნაშავე არავინ არის“, - განაცადა პრეზიდენტმა.

ოთხი დღის წინ ვირჯინიის ქალაქ შარლოტსვილში 20 წლის ულტრანაციონალისტმა კონტრაქციის მონაწილეებს მიზანმიმართულად მანქანით გადაუარა, რის შედეგადაც 32 წლის ქალი დაიღუპა, 20-ზე მეტი კი დაშავდა. ხუთი მათგანის მდგომარეობა კრიტიკულია.

მაჩვენე მეტი