ბათუმში მატარებელი 44 წლის ქალს დაეჯახა.
შემთხვევა დაახლოებით ნახევარი საათის წინ ბარცხანის დასახლებაში მოხდა. დაშავებული სასწრაფო დახმარების ბრიგადამ ბათუმის საუნივერსიტეტო კლინიკაში გადაიყვანა.
სასწრაფო დახმარების სამსახურში აცხადებენ, რომ ქალი საკმაოდ მძიმე მდგომარეობაში იყო და მას დაზიანებები თავის არეში ჰქონდა მიყენებული.
„შემთხვევა ბარცხანის დასახლებაში მოხდა. ჩვენი ბრიგადა ადგილზე გამოძახებიდან რამდენიმე წუთში მივიდა. ქალი დაახლოებით 44 წლისაა. ის სავარაუდოდ, ადგილობრივი არ არის, დამსვენებელია. ერთ-ერთი ვერსიით, მას ფეხი რკინიგზის ლიანდაგზე დაუცდა და წაიქცა, რის შემდეგაც იგი მატარებელმა, სავარაუდოდ, ვერ შენიშნა. პაციენტი ამჟამად კლინიკაშია გადაყვანილი. მას დაზიანებები სახის არეში ჰქონდა. პირველადი მონაცემებით, მდგომარეობა რთულია", - განაცხადა ბათუმის სასწრაფო დახმარების სამსახურის უფროსის მოადგილემ ბადრი პაქსაძემ.