უკრაინულ ვებგვერდზე გავრცელებული აუდიოჩანაწერი პოლიტიკური ურთიერთბრალდებების საგნად რჩება.
ექსპრეზიდენტის პარტია ხელისუფლებას მიხეილ სააკაშვილის პოლიტიკურ დევნაში ადანაშაულებს.
ყოფილი მმართველი პარტია გამოძიების დაწყებას და მასალის ავთენტურობის დადასტურების შემთხვევაში შინაგან საქმეთა მინისტრის გადადგომას ითხოვს.
მღებრიშვილის უწყების შემდეგ ჩანაწერის ავთენტურობას მმართველი გუნდის წევრებიც კატეგორიულად უარყოფენ.
საპარლამენტო უმრავლესობაში ხაზს უსვამენ, რომ მიხეილ სააკაშვილის საქართველოსთვის გადმოცემის საკითხი დღის წესრიგში რჩება.
უკრაინულ ვებგვერდ სტრანა უაზე აუდიოჩანაწერი გუშინ გავრცელდა. რუსი პრანკერები ამტკიცებენ, რომ ისინი საქართველოს შინაგან საქმეთა მინისტრს ოდესის ყოფილ გუბერნატორზე უკრაინელი კოლეგის სახელით ესაუბრებიან.