ატვირთვა
ავტორიზაცია რეგისტრაცია
5 107 908
ნახვა
345
ხელმომწერი
23 824
ვიდეო

ვაშაძე ენმ-ს და "ევროპულ საქართველოს" მოუწოდებს, ჩხვირკიას საქმეზე იაქტიურონ

გაზიარება
აგვისტო 13, 2017
83
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ირაკლი ჩხვირკია არის უკანონო პატიმარი და მის გასათავისუფლებლად უნდა გაერთიანდეს ყველა პოლიტიკური ძალა, -ამის შესაძებ "ახალი საქართველოს" ლიდერმა პრესკონფერენციაზე განაცხადა.

გიორგი ვაშაძის თქმით, ბათუმის მოვლენებისას დაკავებული ჩხვირკია არის უკანონო პატიმარი და მისი თანამონაწილეობა ამ მოვლენებში არც ერთი სამხილით არ დასტურდება. „ახალი საქართველო“ შუამდგომლობას ამზადებს და პოლიტიკური პარტიებსა და არასამთავრობო ორგანიზაციებს ხელისმოსაწერად გაუგზავნის.

“უკვე რამდენიმე თვეა, ირაკლი ჩხვირკია, ახალგაზრდა პატრიოტი ადამიანი არის უკანონოდ დაკავებული ბათუმის მოვლენებთან დაკავშირებით. საყოველთაოდ ცნობილია, რომ ეს ადამიანი არანაირ კავშირში არ არის ამ მოვლენებთან. ჩვენ ვამზადებთ შუამდგომლობას, ვუგზავნით ყველა პოლიტიკურ პარტიასა და არასამთავრობო ორგანიზაციას, მივმართავთ სასამართლოს, ხელისუფლებას, რომ ეს ახალგაზრდა პატრიოტი ადამიანი დაუყოვნებლივ გაათავისუფლონ ციხიდან. უსამართლობა და უნამუსობაა, რომ ეს ბიჭი ზის ციხეში", - განაცხადა ვაშაძემ.

მისივე თქმით, ჩხვირკიას დაკავების მიზეზი პოლიტიკური შეხედულება გახდა, რადგან ის „ნაციონალური მოძრაობის“ მხარდამჭრი იყო.

„განსაკუთრებით მინდა მივმართო "ნაციონალური მოძრაობის" და ევროპული საქართველოს პარტიის წევრებს. თქვენ იცნობთ ამ ადამიანს კარგად და ის დუმილი, რაც თქვენგან არის,ა რასწორია და უნდა ჩაერთოთ ამ კამპანიაში რაც შეიძლება ჩქარა", - განაცხადა გიორგი ვაშაძემ.

მაჩვენე მეტი