აშშ-ში, ვირჯინიის შტატის ქალაქ შარლოტსვილში, ვირჯინიის სახელმწიფო უნივერსიტეტის ტერიტორიაზე გამართული ნაციონალისტური აქცია ფიზიკურ დაპირისპირებაში გადაიზარდა. ულტრამემარჯვენეებმა პოლიციაზე იერიში მიიტანეს, საპასუხოდ კი სამართალდამცველებმა ცრემლმდენი გაზი გამოიყენეს. რამდენიმე აქტივისტი დაკავებულია.
ვირჯინიის უნივერსიტეტთან თავმოყრილი 2000-ზე მეტი თეთრკანიანი ულტრამემარჯვენე ამერიკის სამოქალაქო ომის გენერლის, ტომას ჯექსონის ქანდაკების დემონტაჟის შესახებ გადაწყვეტილებას აპროტესტებდა. აქტივისტებს ხელში ჩირაღდნები ეჭირათ. ქალაქის მერმა მაიკ სიგნერმა ულტრანაციონალისტური აქცია სიძულვილისა და რასიზმის დემონსტრირებად შეაფასა.
ქალაქის საბჭომ გენერალი ტომას ჯექსონის ბრონზის ქანდაკების დემონტაჟის შესახებ გადაწყვეტილება რამდენიმე დღის წინ მიიღო.
მიმდინარე წლის ივლისში ამავე ქალაქში ულტრანაციონალისტებმა აფროამერიკელებისა და ლათინოამერიკელების გასახლების მოთხოვნით აქცია გამართეს.