ჩრდილოეთ კორეის ბირთვული ამბიციები და ფხენიანის რეჟიმისგან მომდინარე საფრთხის საკითხი დონალდ ტრამპმა ჩინეთის პრეზიდენტ ქსი ძიმპინთან სატელეფონო საუბრისას განიხილა. ინფორმაცია საუბრის დეტალების შესახებ თეთრი სახლის ოფიციალურ ვებგვერდზე გამოქვეყნდა.
ჩინეთის პრეზიდენტმა განაცხადა, რომ ამერიკის შეერთებული შტატებისა და ოფიციალური პეკინის ინტერესები ჩრდილოეთ კორეის განიარაღების საკითხთან დაკავშირებით ერთმანეთს ემთხვევა, რადგან ქსი ძიმპინის თქმით, ჩინეთი დაინტერესებულია რეგიონში მშვიდობისა და სტაბილურობის უზრუნველყოფით.
ორი სახელმწიფოს ლიდერს შორის სატელეფონო საუბარს წინ უსწრებდა მუქარის შემცველი გზავნილები ფხენიანის მხრიდან შეერთებული შტატების მისამართით, რასაც ვაშინგტონი გამართხილებელი განცხადებით გამოეხმაურა.
სატელეფონო საუბრის დროს დონალდ ტრამპმა ჩინელ კოლეგასთან ორმხრივი თანამშრომლობის პერსპექტივაზეც იმსჯელა.