შინდისში 2008 წლის 11 აგვისტოს დაღუპულ გმირებს კიდევ ერთხელ იხსენებენ. ზუსტად 9 წლის წინ რუსულ აგრესიას შინდისთან 17 ქართველი სამხედროს სიცოცხლე ემსხვერპლა.

მხოლოდ მსუბუქი შეიარაღების მქონე ჯარისკაცები საოკუპაციო ძალების ასეულს დაუპირისპირდნენ. შეტაკება საათზე მეტხანს გაგრძელდა. ამ დროის განმავლობაში რუსულმა შენაერთებმა დახმარება ორჯერ ითხოვეს. მათ ვერც კი წარმოედგინათ, რომ წინააღმდეგობას მხოლოდ 17 ქართველი სამხედრო უწევდა.

ამ ჯარისკაცებს დღეს ყველა შინდისის გმირებად იცნობს. მათ მემორიალთან გარდაცვლილების ოჯახების წევრები და ადგილობრივი მცხოვრებლები დილიდან იკრიბებიან .