აბიტურიენტებისთვის საგანმანათლებლო პროგრამების რეიტინგულ სიაში ცვლილებების შეტანის და სააპელაციო განაცხადის შეტანის ვადა დღეს, 18 საათზე იწურება.

18 საათამდე აბიტურიენტებს შესაძლებლობა აქვთ დაამატონ, გააუქმონ ან შეცვალონ მითითებული ფაკულტეტები.

აბიტურიენტებმა ცვლილებები ელექტრონულად უნდა განახორციელონ. რისი დასტურიც ელექტრონული ფოსტის საშუალებით უნდა მიიღონ. თუ აბიტურიენტი ასეთ დადასტურებას ვერ მიიღებს, სავარაუდოდ, პროცესი დასრულებული არ არის.

ელექტრონულ განაცხადში მისათითებელი საგანმანათლებლო პროგრამების რაოდენობა წელს შეზღუდული არ არის.

აბიტურიენტებს სააპელაციო განაცხადის გასაგზავნად 1 კვირა ჰქონდათ. სააპელაციო განაცხადი წელს დაახლოებით 400-მდე აბიტურიენტმა უკვე გააკეთა. აპელაციების განხილვას 10 დღე დასჭირდება, რის შემდეგაც შედეგებს გამოცდების ეროვნული ცენტრი გამოაქვეყნებს.