ვენესუელას პრეზიდენტი ნიკოლას მადურო ეროვნული დამფუძნებელი საბჭოს სესიას დაესწრო - იუწყება Reuters. პრეზიდენტის განცხადებით, აღმასრულებელი ხელისუფლება ამიერიდან ამ ახალ საკანონმდებლო ორგანოს დაექვემდებარება. საბჭო როგორც მოსალოდნელია, საკონსტიტუციო რეფორმაზე მუშაობას დაიწყებს. დამფუძნებელი საბჭოს ჩამოყალიბების ინიციატივა პრეზიდენტ ნიკოლას მადუროს ეკუთვნის, რომელსაც ოპოზიციით დაკომპლექტებული პარლამენტის დაძლევა სურდა. აღსანიშნავია, რომ ოპოზიციური ძალები ეროვნული დამფუძნებელი საბჭოს ჩამოყალიბებისთვის ქვეყანაში გამართულ არჩევნებს არ ცნობენ და ასეთი ორგანოს შექმნას არაკონსტიტუციურად მიიჩნევენ. სახელისუფლებო კრიზისი და საპროტესტო გამოსვლები ქვეყანაში აპრილიდან მიმდინარეობს.