თურქეთის ხელისუფლებამ 35 ადამიანის დაკავების განკარგულება გასცა, მათ შორის 9 ჟურნალისტია. ქვეყნის მთავრობის ინფორმაციით, ყველა მათგანს აშშ-ში მცხოვრებ ფეტჰულა გიულენის მოძრაობასთან კავშირში სდებენ ბრალს.
როგორც სააგენტო "როიტერი" იუწყება, ეჭვმიტანილებს შორის არის ოპოზიციური გამოცემა Birgun-ის მთავარი რედაქტორი, რომელსაც „ტერორისტული ორგანიზაციის" წევრობაში ადანაშაულებენ.
პოლიცია ეჭვმიტანილები სალხებში ჩხრეკას ატარებს. როგორც თურქული სააგენტო „ანადოლუ“ იტყობინება, ეჭვმიტანილები სავარაუდოდ დაშიფრული გზავნილების გასაგზავნი აპლიკაცია ByLock-ის მომხმარებლები არიან.
შარშან, პუტჩის მცდელობის შემდეგ თურქეთში ფეტჰულა გიულენთან კავშირში 50 ათასი მოქალაქე დააკავეს. 150 ათასი სახელმიწფო მოხელე ამავე ბრალდებით სამსახურიდან გაათავისუფლეს.