ისრაელმა ღაზას სექტორიდან მისი მიმართულებით გაშვებულ რაკეტას ავიაიერიშით უპასუხა. ისრაელის სამხედრო უწყების მიერ გავრცელებული ინფორმაციით, მოძრაობა ჰამასის პოზიციებზე განხორციელდა ორი სარაკეტო დარტყმა. შედეგად, 3 ადამიანი დაშავდა, ერთ-ერთის მდგომარეობა კრიტიკულად მძიმეა. ცოტა ხნით ადრე, ღაზას სექტორიდან ისრაელის მიმართულებით რაკეტა გაუშვეს, რომელიც დაუსახლებელ ადგილზე ჩამოვარდა და მსხვერპლი არ გამოუწვევია. ოფიციალური თელ-ავივი პასუხისმგებლობას ჰეზბოლას აკისრებს და 2014 წლიდან მოქმედი ცეცხლის შეწყვეტის შესახებ შეთანხმების დაცვისკენ მოუწოდებს.