საფრანგეთის პოლიციამ დააკავა მამაკაცი, რომელიც დღეს პარიზის გარეუბანში მომხდარ შემთხვევასთან კავშირშია ეჭვმიტანილი.

მამაკაცი პარიზიდან ჩრდილოეთით, გზატკეცილზე დააკავეს. ინფორმაციას ამის შესახებ ტელეკომპანია BFMTV ავრცელებს. დაუდასტურებელი ინფორმაციით, ეჭვმიტანილი დაჭრილია.

შემთხვევა ადგილობრივი დროით 08:00 საათზე, გარეუბან ლევალუა-პერეში მოხდა. BMW-ს მარკის ავტომობილი სამხედროებს დაეჯახა, რის შედეგადაც დაშავდა ექვსი მათგანი. ორი ჯარისკაცის მდგომარეობა მძიმეა.

მოგვიანებით საფრანგეთის პროკურატურამ განაცხადა, რომ მძღოლის ქმედება წინასწარი დაგეგმილი იყო.