"ევროპული საქართველოს" წევრებმა მუხათგვერდის ძმათა სასაფლაოზე აგვისტოს ომში დაღუპულ მეომართა ხსოვნას პატივი მიაგეს და მემორიალი გვირგვინით შეამკეს.
" დღეს არის დღე როცა უნდა გავიხსენოთ ის სამხედროები, რომლებიც რუსულ აგრესიას შეეწირნენ, უნდა გავიხსენოთ ის დევნილები, რომლებიც დღემდე არიან რუსული აგრესიის მსხვერპლნი და საოკუპაციო ხაზთან ყოველდღიურად ისევ საფრთხის ქვეშ ცხოვრობენ. ჩვენი მთელი ენერგია უნდა იყოს მიმართული იმისკენ, რომ რუსეთის საუკუნოვანი მცდელობა გაანადგუროს ჩვენი სახელმწიფო არ დავუშვათ და ჩვენს საერთაშორისო პარტნიორებთან ერთად ვიმუშაოთ იმაზე, რომ სქართველო იყოს თავისი ტერიტორიებით უსაფრთხო სახელმწიფო. ჩვენ არ უნდა დავუშვათ, რომ რუსეთმა აგრესიით, პროპაგანდით და სხვადასხვა გზით ჩვენი სახელმწიფოებრიობა დააკნინოს,"- განაცხადა "ევროპული საქართველოს" მერობის კანდიდატმა ელენე ხოშტარიამ.