გუდაუთის სოფელ პრიმორსკში ოკუპირებული აფხაზეთის დე ფაქტო თავდაცვის სამინისტროს კუთვნილი საწყობის აფეთქების მიზეზების დადგენას რუსი ექსპერტები შეეცდებიან, - ამის შესახებ განცხადება ოკუპირებული აფხაზეთის ე.წ. სამხედრო პროკურორმა ადგურ აგრბამ გააკეთა.
მისი თქმით, რუსი ექსპერტ-კრიმინალისტები აფხაზეთში უახლოეს ხანში ჩავლენ. ამაჟამად კი საწყობში, სადაც აფეთქება მოხდა და მის მიმდებარე ტერიტორიაზე ე.წ. თავდაცვის სამინისტროს გამნაღმველები მუშაობენ.
აგრბას თქმით, გამოძიება რამდენიმე ვერსიაზე მუშაობს. უკვე დაჰკითხეს როგორც სამხედროები, ისე ადგილობრივი მცხოვრებლებიც.
გუდაუთის სოფელ პრიმორსკში ოკუპირებული აფხაზეთის დე ფაქტო თავდაცვის სამინისტროს კუთვნილ საწყობში ძლიერი აფეთქების შედეგად რუსეთის ორი მოქალაქე დაიღუპა, დაშავდა 64 ადამიანი, 20-ზე მეტი დაზარალებული საავადმყოფოში გადაიყვანეს.