გაერო-ს უშიშროების საბჭომ ჩრდილოეთ კორეის წინააღმდეგ სანქციები გაამკაცრა. აშშ-ის მიერ ინიცირებულ პროექტს მხარი საბჭომ ერთხმად დაუჭირა. მათ შორის, რუსეთმა და ჩინეთმაც.

როგორც ვარაუდობენ, ახალი შეზღუდვების შედეგად, ფხენიანი დაახლოებით 1 მილიარდ დოლარით დააზარალებს.

ახალი სანქციების მიხედვით, ჩრდილოეთ კორეაში სასარგებლო წიაღისეულის, მათ შორის, ქვანახშირის გატანა, ასევე ტყვიისა და რკინის შეტანა აკრძალული იქნება.

დოკუმენტში ნათქვამია, რომ უცხოურ კომპანიებს ჩრდილო კორეულ კომპანიებთნ ერთობლივი პროექტების განხორციელება აღარ შეეძლებათ. აკრძალული იქნება ახალი ტექნოლოგიების იმპორტიც.

აღნიშნული სანქციები გაერო-მ მას შემდეგ მიიღო, რაც 28 ივლისს ფხენიანმა კონტინენტთაშორისო ბალისტიკური რაკეტა გამოსცადა.