უნდა დაინიშნონ თუ არა უვადოდ მოსამართლეები, რომლებმაც წლების წინ, გამამტყუნებელი განაჩენები მიიღეს. ხელახალი გამოძიების ჩატარების შემდეგ კი, ისინი გამამართლებლით შეცვალა.
არსებული რეგულაციებით, იუსტიციის უმაღლესი საბჭო მოსამართლის წარსულს მხოლოდ შემთხვევით შერჩეული ხუთი საქმის შესწავლით აფასებს, რომელთა შორის, შესაძლოა, ის განაჩენები საერთოდ ვერ მოხვდეს, რომელიც შემდგომში უკანონოდ ჩაითვალა.
საქართველოს კონსტიტუციის 82-ე მუხლით, მოსამართლე განაჩენს სახელმწიფოს სახელით იღებს, 84-ე მუხლის მიხედვით კი, მოსამართლე დამოუკიდებელია და მის საქმეში სასამართლოს ზემდგომი ინსტანციების გარდა ვერავინ ჩაერევა.
ამ ფონზე, უკანონო პატიმრებს არ გააჩნიათ სამართლებრივი მექანიზმი, რომლითაც იმ მოსამართლის პასუხისმგებლობის საკითხს დააყენებენ, რომელთა გადაწყვეტილებითაც წლები ციხეში გაატარეს.
ამ პრობლემის წინაშე აღმოჩნდნენ ახლა უკვე ყოფილი პატიმრები - გია გვიჩიანი და თამაზ გოგია. მათ განაჩენი მოსამართლე ნინო სანდოძემ გამოუტანა. უფლებამოსილების ვადის ამოწურვის შემდეგ, იუსტიციის უმაღლესმა საბჭომ არაერთ ასეთ მოსამართლეს ვადა - უვადოდ დანიშვნის პერსპექტივით გაუგრძელა.
ნახეთ ხათუნა გაგნიძის სიუჟეტი.