მუსტაფა ემრე ჩაბუქის ადვოკატები თბილისის საქალაქო სასამართლოს მიმართავენ და დევნილთა სამინისტროს იმ გადაწყვეტილებას ასაჩივრებენ, რომლის მიხედვითაც, ჩაბუქს და მის ოჯახს დევნილის სტატუსის მინიჭებაზე უარი ეთქვა.

ადვოკატები ამბობენ, რომ სამინისტრომ არ გაითვალისწინა მათ მიერ წარდგენილი მასალა, რომლის თანახმად, ჩაბუქი, ექსტრადირების შემთხვევაში, შესაძლოა წამებისა და არაადამიანური მოპყრობის საფრთხის წინაშე აღმოჩნდეს.

უფლებადამცველები იმედოვნებენ, რომ სასამართლო სამინისტროს გადაწყვეტილებას გააუქმებს.