წინასაარჩევნოდ მერიაში პარტიული აქტივის დასაქმებაზე ნაციონალური მოძრაობის განცხადებებს, ქალაქის მერი სიცრუეს და ცილისწამებას უწოდებს.
მერიაში მომუშავე 600 თანამშრომლის საკითხზე განცხადება დავით ნარმანიამ დედაქალაქის მთავრობის სხდომის დაწყებისას გააკეთა.
ქალაქის მერის განმარტებით, ეს პირები ადრეც მუშაობდნენ მერიის შტატებში, თუმცა საჯარო სამსახურის შესახებ კანონის ამოქმედების შემდეგ, ისინი მერიაში მუშაობას უკვე ხელშეკრულებების საფუძველზე აგრძელებენ.
მთავრობის სხდომაზე მერმა ასევე წარადგინა ქალაქის ახალი ხელმძღვანელობის მიერ ბოლო სამი წლის განმავლობაში განხორციელებული პროექტები, მათ შორის გზების რეაბილიტაცია, სკვერების და პარკების მოწყობა, ასევე პეკინის გამზირის რეაბილიტაცია, რომლის პირველი ეტაპის დიდი ნაწილიც უკვე დასრულებულია.