საქართველოს ეროვნულ ოლიმპიურ კომიტეტში 2017 წლის ევროპის ახალგაზრდული ოლიმპიური ფესტივალის მედალოსნებისთვის ჯილდოების გადაცემის ცერემონია გაიმართა.

სპორტსმენებს მიღწეული წარმატება ოლიმპიური კომიტეტის პრეზიდენტმა ლერი ხაბელოვმა სპორტისა და ახალგაზრდობის საქმეთა მინისტრთან ტარიელ ხეჩიკაშვილთან ერთად მიულოცა.

პრიზიორებს ნაჩვენები შედეგისთვის ფულადი ჯილდოები გადაეცათ. შეგახსენებთ, რომ უნგრეთში გამართულ ახალგაზრდულ ოლიმპიურ ფესტივალზე ქართულმა დელეგაციამ სულ 9 მედალი მოიპოვა. 4 ოქრო, 1 ვერცხლი და 4 ბრინჯაო. ჩემპიონის ტიტულები ძიუდოისტებმა მიხეილ ბექაურმა, გიორგი ჩიხელიძემ, სოფო სომხიშვილმა და მარიამ ჭანტურიამ მოიპოვეს.