დღეს ილიაობა აღინიშნება. საქართველოს მართლმადიდებელი ეკლესია წინასწარმეტყველ ელია თეზბიტელსა და ილია მართალს (ჭავჭავაძე) იხსენებს. 2 აგვისტო სრულიად საქართველოს კათოლიკოს-პატრიარქის, ილიაქ მეორის ანგელოზის დღეა.
საზეიმო ლიტურგიას სრულიად საქართველოს კათოლიკოს-პატრიარქი ამ წუთებში სვეტიცხოვლის საკათედრო ტაძარში აღავლენს. გადმოცემის მიხედვით, სწორედ სვეტიცხოვლის ტაძარშია დაფლული ელია წინასწარმეტყველის ხალენი (მოსასხამი).
წირვას საქართველოს სხვადასხვა რეგიონიდან ჩამოსული მრევლი ესწრება. დედაქალაქიდან მრევლის ჩამოსაყვანად, საპატრიარქომ სპეციალური ტრანსპორტი გამოყო.
ლიტურგიის შემდეგ, პატრიარქი მრევლს ქადაგებით მიმართავს. ილია მეორე ლეიკემიით დაავადებულ ბავშვებსაც დალოცავს. მათთან შეხვედრა თავად ბავშვების სურვილით იმართება.