საქართველოს ტერიტორიული მთლიანობის მხარდაჭერა დააფიქსირა მაიკ პენსმა „ტვიტერის“ საკუთარ გვერდზეც.

“აშშ გმობს რუსეთის მიერ საქართველოს მიწების ოკუპაციას“, – ვკითხულობთ განცხადებაში, სადაც საუბარია საქართველოსთან და ქართველ ხალხთან პარტნიორულ ურთიერთობებზე.

„როდესაც ჩვენ აქ ვდგავართ, 40 კილომეტრში საქართველოს ოკუპირებულ ტერიტორიაზე, სამხრეთ ოსეთში რუსული ტანკები დგას, დღეს რუსეთი აგრძელებს საქართველოს ტერიტორიების ერთი მეხუთედის ოკუპაციას. აშშ-ი მკაცრად გმობს რუსეთის მიერ საქართველოს მიწის ოკუპაციას“.

ამავე დროს პენსი მიესალმება საქართველოს მიერ ნატო-ში შეტანილ წვლილს.

„გულისამაჩუყებელია, რომ საქართველო უკვე გადაჭარბებით ასრულებს ნატო-ს წევრი ქვეყნების მიზანს და თავდაცვაზე მთლიანი შიდა პროდუქტის 2 პროცენტს ხარჯავს“ ,- წერს მაიკ პენსი „ტვიტერზე“.