წმინდა ელია წინასწარმეტყველის დღესასწაულზე საზეიმო წირვა მცხეთაში, სვეტიცხოვლის ტაძარში ჩატარდება, - ამის შესახებ სრულიად საქართველოს კათოლიკოს-პატრიარქმა ილია მეორემ საკვირაო ქადაგებისას ისაუბრა.
უწმინდესის თქმით, სამშაბათს საღამოს ლოცვა სამების ტაძარში, ხოლო ოთხშაბათს საზეიმო ლიტურგია მცხეთაში, სვეტიცხოვლის ეკლესიაში ჩატარდება.
„ოთხშაბათს, 2 აგვისტოს არის წმინდა ელია წინასწარმეტყველის დღესასწაული. სამშაბათს ლოცვა სამების საკათედრო ტაძარში ჩატარდება, ხოლო საზეიმო ლიტურგია მცხეთაში, სვეტიცხოვლის ეკლესიაში შესრულდება. თქვენ იცით, რომ სვეტიცხოველში არის ხატები წმინდა ელია წინასწარმეტყველისა. შეგეწიოთ მისი ლოცვა- კურთხევა", - ბრძანა უწმინდესმა.
ქადაგების დასრულების შემდეგ პატრიარქმა გვარები დალოცა და სასულიერო პირი დააჯილდოვა.