ჩინეთის ლიდერის თქმით, ქვეყანამ უნდა შეძლოს ჩინეთის ისტორიაში უძლიერესი არმიის ჩამოყალიბება. სი ძინპინმა ეს განცხადება სამხედრო აღლუმზე გამოსვლისას გააკეთა.

ღონისძიება ჩინეთის სახალხო გამათავისუფლებელი არმიის 90-ე წლისთავის აღსანიშნავად გაიმართა. აღლუმზე წარმოდგენილი იყო ჩინეთის შეიარაღებაში არსებული უახლესი ტექნიკა.

აღლუმში სულ 12 000 ჯარისკაცი, 600 ერთეული სამხედრო ტექნიკა და 100-ზე მეტი თვითმფრინავი მონაწილეობდა.

ჩინეთის სახალხო განმათავისუფლებელი არმია 1927 წლის 1-ელ აგვისტოს ჩამოყალიბდა. ჯარისკაცების რაოდენობით ის მსოფლიოში ყველაზე მრავალრიცხოვანია. მასში ორი მილიონი ჯარისკაცი მსახურობს.